7 причини зошто да возите ролери

Времето е одлично, па можете слободно да ги извадите ролерките од подрум. Возењето ролери е забавен и евтин начин за опуштање и исклучително...

...здрава телесна активност.

Секојдневно возење ролери придонесува за намалување на ризикот од срцеви болести, а е одлично и за физичкото и за менталното здравје.

Ова се седум причини зошто да возите ролери:

1. Дружење. Возењето ролери е рекреативен спорт идеален за дружба. Можете дури и да склопите нови пријателства, а телесната активност помага во ослободување на ендорфинот кој го подобрува расположението.

2. Намалување на стресот. За оние кои сакаат самостојни активности, ова е совршен начин да бидат сами со себе и своите мисли.

3. Аеробен тренинг. Возењето ролери овозможува одличен аеробен тренинг, но за разлика од трчањето, не создава притисок на зглобовите, лигаментите и тетивите. За да го зголемите интензитетот на вежбање, ролајте побрзо, користете ги и рацете и пробајте и по нагорнина.

4. Зајакнување на мускулите. Зајакнување на квадрицепсите, бедрата, мускулите на задникот и листовите. Мускулите на стомакот и грбот помагаат при одржување рамнотежа на телото, па затоа и тие учествуваат во вежбањето.

5. Подобрување на рамнотежата, флексибилност и координација. На почетниците им се препорачува да го држат телото исправено, а напредните да се навалат кон напред.

6. Согорување калории. За 1 час се согоруваат 700 до 900 калории, во зависност од полот, тежината, интензитет и брзина. Повеќе калории се согоруваат при возење ролери со поголема брзина.

7. Евтино и еколошко превозно средство. За оние кои поминуваат многу време во автомобил и на столче, ова е одлична вежба. Иако и пешачењето е здраво, ролерите се уште подобри ако можете и да се превезете со нив.