Правата вистина за јаглените хидрати

Јаглените хидрати, а не калориите, водат кон дебелеење. Овие резултати на истражувањето поедини експерти ги протолкувале дека можете да внесувате калории колку што сакате и нема да се здебелите само ако не внесувате јаглени хидрати. Вистината е малку поинаква.

Бидејќи еден од најголемите предизвици при слабеењето е да се одржи саканата тежина после диетата, научниците ја споредиле делотворноста на три различни планови за одржување на тежината.

Еден режим на исхрана се состоел од диета со мала количина на маснотии и многу рафинирани јаглени хидрати. Друг план бил умерен, со мешунки и зеленчук. Трет план на исхрана содржел малку јаглени хидрати, повеќе масти и протеини.

Сите три плана имале ист број на калории и во текот на студијата никој од испитаниците ниту изгубил ниту добил на тежина. Сепак, оние што биле на режимот со малку јаглени хидрати согорувале по 300 калории повеќе секој ден.

За жал, авторите на студијата забележале и негативни ефекти на диетата со многу низок внес на јаглени хидрати.

Додека биле на диета испитаниците добиле зголемено ниво на хормонот на стрес.

Оние испитаници кои што биле на диета со умерена количина јаглени хидрати, поминале најдобро. Согорувале повеќе калории со најмалку негативни ефекти.

Како може оваа студија да се примени?

1. Ограничете го внесувањето на шеќер
2. Одберете интегрални и минимално обработени житарици
3. Внесувајте протеини и здрави масти
4. Јадете многу зеленчук
5. Јадете заради задоволство, а не од забава