Тајната за добра линија: По 300 калории помалку

На почетокот од оваа година на Европскиот конгрес за дебелина, научниците заклучиле дека е потребно да се намалат по 300 калории дневно за долгорочно да се ослободиме од вишокот килограми.

Сите оние што држат диети успеваат да ја достигнат саканата тежина, но по престанување на рестриктивната исхрана килограмите се враќаат.

Професорот Мајкл Резенбам тврди дека мора да се внесуваат 22 проценти помалку калории дневно за да се задржи постигнатата тежина.

Професорот додал дека е нормално луѓето да внесуваат 1600 калории дневно, па оние кои што држат диета мора да се ограничат на 1300 калории.

- Се верува дека овој феномен може најдобро да се покаже на примерот на мускулите. Мускулите кај луѓето кои што држат диета бараат да се внесува помалку калории за разлика од оние кои немале рестриктивна исхрана – вели Линија Петел, портпарол на Британската асоцијација на диететичари.

Со време стануваме се послаби. Мускулите му помагаат на телото да го согори вишокот на калории, но со годините нашата мускулна маса опаѓа заедно со метаболизмот, што резултира на нашиот организам да му се потребни помалку калории за да се одржи тежината.

На крајот вишокот на калории може да се согори со вежбање, а тренинзите со оптеретување и со тегови се најдобри за добивање на мускулна маса.