Храна за слабеење

Во време кога сакате да го симнете вишокот на килограми во своето мени би требало да внесувате повеќе:

- Лути пиперчиња – изобилуваат со капсицин, поради што имаат лут вкус. Благодарение на капсицинот забрзано ги согоруваат мастите во телото, па не би било лошо во иднина во јадењето да додадете малку повеќе од овој зачин.

- Пилешко бело месо – содржи многу протеини, што е важно за мускулната маса. Протеините бараат подолг период за варење, па периодот на ситост ќе биде подолг отколку ако внесувате намирници кои содржат многу јаглени хидрати. Но, бидете внимателни и со ова месо – не треба да се јадат преголеми количини.

- Јогурт – млечните производи содржат многу калциум, а особено јогуртот кој содржи многу амино киселини кои ги согоруваат мастите, а изобилува и со голема количина на протеини. Слободно пијте јогурт за време на диета!

- Зелен чај – 2-4 шолји од овој напиток секој ден, ќе ви помогнат да се ослободите до 50 калории на ден.

- Јајца – би било идеално да појадувате омлет од 2 јајца. Јајцата содржат многу протеини и го продолжуваат чувството на ситост.