Костените ги топат килограмите и ја убиваат анемијата

Иако спаѓа во категоријата на суво овошје, костенот не е високо калоричен како останатото овошје. Околу 100 грама костени имаат околу 200 калории, а преставуваат нутритивно високо вреден и заситен оброк.

Есенските денови пристигнаа, а со нив и костените – ако внимавате на линијата, јадете ги печени и варени, но и како пире од костени со ниско калоричен шлаг.

Костенот е исклучително богат со скроб (полисахарид со виск квалитет) – го има околу 45% - и поради тоа има голем енергетски капацитет и добро се вари (добро го варат дури и оние кои инаку имаат проблеми со варењето). Значи, ако внимавате на линијата јадете костени затоа што ќе ја добиете неопходната количина енергија од лесно сварливата и нутритивно вредната намирница.

Костенот е сиромашен со масти и на 100 грама има околу 200 калории (на пример истата количина ореви има повеќе од дупло калории – околу 500). Всушност поради големата количина на скроб составот на костените е сличен со составот на житариците!

Поради големиот процент на скроб, протеини, витамини и минерални соли во својот состав, како и поради малата содржина на масти, костенот преставува вредна намирница. Нутриционистите поради тоа го препорачуваат  во исхраната особено за време на диета. Костенот ги надоместува истрошените енергетски залихи во телото, овозможува сигурен внес на висококвалитетни минерали, дава сила и потребна цврстина на мускулите, го зајакнува имунитетот и делотворен е во борбата против анемијата.

Костенот е особено делотворен против анемијата бидејќи е одличен извор на железо, а бидејќи лесно се вари, им се препорачува на оние кои страдаат од гастроинтестинални заболувања.

Јадете ли често костени?