Негативните мисли запишете ги и фрлете ги во ѓубре

Честите негативни мисли нè оптеретуваат до таа мерка што ни го расипуваат квалитетот на живот и ни го загрозуваат психичкото и физичкото здравје, тврдат психолозите.

Поради тоа важно е да се совлада механизмот на „чистење“ на негативните мисли од мозокот, а еден од делотворните начини е да се запишат на лист хартија и да се фрлат во ѓубре, тврдат стручњаците од Универзитетот во Охајо и Универзитетот во Мадрид.

Иако звучи смешно, тој механизам навистина делува, тврдат стручњаците кои ја спровеле студијата на неколку поединечни експерименти на студенти.

Откако ги запишале своите негативни мисли, дел од испитаниците повторно ги прочитале и размислиле за нив, додека останатите листот со запишани мисли веднаш го фрлиле во ѓубре.

Во прашалникот кој потоа го пополнувале, волонтерите кои го фрлиле листот, покажале многу попозитивни ставови.

- Секако, негативните мисли нема да ги снема потполно ако ги запишете и го фрлиле листот хартија, бидејќи можете секогаш повторно да ги создадете. Сепак, ова привремено решение делува, барем за миг – рекол одговорниот за студијата, Ричард Пети.

Тој додал дека оваа техника има анти-стрес ефект, а може да се применува и неколку пати на ден за да се постигне растеретување.