Храна која ќе го зајакне вашиот имунитет

Бидејќи одамна влеговме во сезоната каде што грипот и настинката се секаде околу нас, време е да започнеме да се грижиме однапред за имунитетот.

Имунолошкиот систем е еден од најсложените кој само балансираната исхрана може да го направи јак и отпорен на настинки и бактерии.

1. Овес и јачмен – одлични се во борбата против грип и бактерии, заради тоа што се богати со растителни влакна и антиоксиданси. Можете да ги внесувате во облик на овесен појадок со јогурт во комбинација со сушено овошје.

2. Лук – штити од вирусни, габични и бектериски инфекции и е одличен кога станува збор за бактериите кои го напаѓаат желудникот.

3. Риба – богата е со омега 3 масти и треба да се консумира најмалку 2 пати дневно. Омега 3 мастите се добри за вашето срце и крвните садови. Содржи малку калории, а големо количество на протеини.

4. Бадеми – богати се со витамин Е кој е многу корисен за вашиот имунолошки систем. Само неколку бадеми во денот го намалуваат нивото на стрес, а исто така придонесува и за регулирање на шеќерот во крвта.

5. Компири – преполни се со растителни влакна кои го спречуваат настанувањето на канцерогени клетки на дебелото црево, како и бета каротен кој делува како антиоксиданс.

6. Грејпфрут – преполн е со витамин Ц кој е најважен за зимската борба со вируси. Доколку не сте љубител на вкусот на грејпфрутот, можете да го замените со многу лимони, портокали и мандарини.

7. Јогурт – една чаша на ден помага во балансирањето на цревната флора, затоа пробајте да го вклопите во секојдневната исхрана колку што можете повеќе.

8. Брокула – богата со антиоксиданси и други состојки кои го спречуваат создавањето на канцерогени клетки низ целото тело. Исто така содржи фолати кои помагаат во борбата против депресија и за зачувување на мозочните клетки.