Ублажете го грипот за 24 часа

Настинките во овој период од годината се неизбежни, а малкумина се оние кои поради своето темпо на живот можат да си дозволат мирување.

Американските научници направиле план според кој можете да оздравите за само 24 часа ако го следите наведениот распоред.

07.00 – туширање со топла вода
Ако се разбудите со затнат нос, со главоболка и благи морници, најдобро е веднаш да појдете под туш. Топлата купка, или туш може да помогнат телесната температура да се изедначи.

08.00 – здрав појадок полн со витамини
Исхраната е многу важна на патот кон оздравувањето, па направете сок од портокал и ставете полн грст шумско овошје полно со антиоксиданси во мусли, или овесна каша.

10.00 – инхалирајте
Кога сме настинати, или носот непрестано ни тече, или потполно е затнат, дишењето е отежнато и доведува до напнатост и болка во синусите и главата. Добра идеја е да инхалирате над сад со топла вода во која сте додале неколку кесички чај од нане или камилица, што ќе ги прочисти дишните патишта.

12.00 - илезете да прошетате
Иако ќе ви биде тешко да излезете на студеното време, лесната прошетка пред ручек може да ви го поправи расположението и да ви го зајакне имуниот систем. Во случај да имате поблаги симптоми на настинка, можете да направите и некоја физичка активност која секако ќе ви помогне подобро да се чувствувате.

13.00 – јадете салата
За време на ручекот заборавете на грицките и слатките и наместо тоа одберете салата која ќе содржи некое посно месо како што е пилешкото. Протеините помагаат да зајакне имуниот систем.

15.00 – напијте се чај
Чаевите и другите топли напитоци помагаат да се исчисти слузта од организмот. Можете да испиете и чаша цеден сок од портокал.

18.00 – изедете нешто луто
Кога сте болни, добро е малку да го зачините со луто вечерниот оброк. Ѓумбир, црн пипер, лук, лути пиперчиња. Лутото е добро познато по својот антивирусно и антибактериско дејство, како и способноста да се прочистат синусите. Овие зачини помагаат да се ослободите од бацилите и да ги прочистите дишните органи.

20.00 – ставете ги нозете во топла купка
Завршете го денот така што ќе ги ставите стапалата во топла купка, така подобро ќе се релаксирате и ќе се загреете пред спиење.

22.00 – спијте барем осум часа
За телото е важно повторно да ги наполни батериите, во што ќе ви помогне добриот сон. За да го одржите имунитетот обидете се приближно во исто време да легнувате и станувате секој ден. Избегнувајте стимулативни напитоци како на пример кафето и алкохолот, доцна навечер, не гледајте телевизија и завршувајте работни задачи кога ќе си легнете во кревет.