Со сладолед во борба против настинката

Сите љубители на сладоледот може слободно да уживаат во замрзнатите вкусови и во текот на зимата. Всушност, нивните шанси се помали да се разболат.

Научниците составија еден интересен леден рецепт кој ќе ви помогне да се изборите против настинатото грло.

Главните состојки сигурно и онака ги користите кога сте настинати, па зошто да не ги испробате во малку поразличен облик?

Следните состојки помагаат во борбата против грозница, болка во зглобовите и го надополнуваат потребното количество витамин Ц кој многу брзо ги уништува вирусите и позитивно влијае на имунолошкиот систем.

Состојки:

• Две чаши сок од портокал
• Една третина чаша сок од лимон
• 5-6 лажици шеќер
• Една третина чаша мед
• Малку мелен ѓумбир
• Течен пектин (се користи за зацврстување на мармаладите)
• Две лажици виски

Подготовка:

Сите состојки освен пектинот и вискито сварете ги. На крајот додадете ги пектинот и вискито и ставете ја смесата во замрзнувач додека потполно не се заледи.