Суви кајсии за подолга младост

Сувите кајсии содржат голем процент белковини, влакна, витамини, минерали и шеќер, што ги прави идеална намирница за почеток на денот.

Како делуваат кајсиите?

Го ублажуваат стресот

Магнезиумот, минерал со кој обилуваат сувите кајсии, го ублажува стресот, додека витамините од Б комплексот ги зајакнуваат нервите. Ова овошје е одлично и за личности кои страдаат од зголемен холестерол бидејќи може да ги замени грицките полни со маснотии. Сушените кајсии треба добро да се изџвакаат бидејќи така го поттикнуваат варењето и циркулацијата во горната регија.

Го чуваат срцето, ја поправаат крвната слика

Сувите кајсии содржат голема количина калиум, минерал кој е важен за нормалната работа на сите мускули, особено срцевиот мускул. Само пет суви кајсии ја задоволуваат потребата на организмот од овој минерал и значителен дел од потребите за железо. Витаминот Ц кој го има во кајсиите ја олеснува апсорпцијата на железото, што е многу важно за оние кои страдаат од анемија.

Состојки на кајсиите:

100 g суви кајсии	100g свежи кајсии
63g јаглени хидрати	11g јаглени хидрати
53g шеќер	9g шеќер
0,5g масти	0,4g масти
3,4g протеини	1,4g протеини
2,7mg железо	0,4mg железо

Една порција од 80g суви кајсии, 200ml јогурт без маснотии и 30g овесни снегулки имаат 293 kcal што е доволно за да го започнете денот.