Здрави домашни плочки од житарки

Домашните плочки од житарки ни ја даваат можноста да експериментираме со вкусовите, состојките да ги креираме по желба и да ставиме се што сакаме – различни видови на житарки, корнфлекс, суви брусници, смокви, сливи, сушен кокос, ораси, ф’стаци и што ли уште не...

Еве една од најздравите варијанти на плочки од житарки кои може да ги направите во домашни услови.

Состојки:

• 140гр грубо сецкани житарки
• 30гр корнфлекс
• 60гр печени бадеми и лешници
• 15гр пченично брашно
• 50гр мед
• 60гр суво овошје по желба
• Половина лажичка кафеав шеќер
• 2 белки
  
  

Начин на подготовка:

Загрејте ја рерната на 150 степени. На тава за печење, прекриена со фолија, премачкајте малку масло и посипете ја со брашно. Во еден сад измешајте ги сите состојки, освен белките кои треба да ги изматите заедно со кафеавиот шеќер.

Потоа смешајте ги двете смеси заедно. Добро се промешајте додека не се соедини и оформете ја смесата во облик на голем правоаголник.

Ставете го на тавата и печете околу 40 минути додека тестото не биде суво на допир. Оставете да се олади неколку минути, а потоа пресечете тенки плочки.

Декорирајте со суво овошје од озгора или пак со вашиот омилен благ зачин, на пример цимет.