Ова е вистинското време за бременост

Доколку планирате принова, ова е вистинското време. Истражувањата покажале дека спермата е „најквалитетна“ во зима и на почетокот од пролетта.

Израелските истражувачи спровеле истражување на шест илјади мажи кои биле лечени од неплодност.

Резултатите покажале дека во текот на зимата мажите имаат поголем број сперматозоиди кои побргу „пливаат“ и имаат помалку абнормалности. Квалитетот на спермата паѓа по почетокот на пролетта.

Стручњаците велат дека овие податоци можеби објаснуваат зошто толку бебиња се раѓаат на есен.

Уште не е јасно зошто спермата е со подобар квалитет во зима, а една теорија вели дека на квалитетот делуваат повисоките температури.