8 топ вежби за брзо затегнување на задникот
Доведете го задникот во одлична форма за претстојното лето, почнете со вежби и активности и за неколку недели ќе бидете подготвени за најмалиот бикини, тесен фустан или фармерки.
Ова се вежбите кои се препорачуваат за затегнат задник:
Скали
Од денес одете по скали секогаш кога ќе ви се укаже можност за тоа. Избегнувајте ги лифтовите и подвижните скали. Во секојдневниот живот не постои подобар тренинг за задникот од скалите.
Затегнување на мускулите
Затегнете ги повторно опуштете ги мускулите на задникот за време на седење, готвење, стоење во ред... Мускулите затегнете ги секои 10 – 20 секунди, опуштете ги па повторно затегнете ги. Најмалку десет пати.
Чучњеви
Одвојте пет минути на ден за чучњеви. Застанете исправено, полека свиткувајте ги колената, па повторно станете. Вдишете спуштајќи се надолу, издишете кога станувате.
Ширење на колената
Оваа вежба можете да ја правите на работа. Седнете и ставете ги рацете на надворешните делови на колената. Потоа со рацете буткајте го едното колено кон другото, додека истовремено со нозете создавате отпор за да не се допрат колената. Притисокот задржете го околу пет секунди, потоа релаксирајте се. Вежбата во еден циклус повторете ја барем пет пати.
Велосипед
Возењето на велосипед помалку ги оптоварува зглобовите од трчањето. Со малку концентрација, силата можете да ја црпите од подрачјето на бедрата и задникот.
Одење на прсти
Уште една практична вежба која не бара многу време. Одете на ножните прсти триесетина секунди, потоа спуштете се, кусо одморете и повторете го тоа десет пати.
Вежба со перница
Навечер пред ТВ екранот ставете перница помеѓу колената и почнете силно да го стискате. Мускулите на нозете при тоа мора да бидат затегнати. Обидете се да ја задржите положбата колку што можете подолго.