6 најздрави пози за спиење

Многу е важно да се спие доволно цврсто. Во сон се одмораат и духот и телото, се регенерираат сите клетки на организмот, а имунитетниот систем јакне. Сепак не сите положби во кои спиеме се подеднакво здрави.

Проучувана е положбата на спиење и нејзиното влијание на здравјето кај 1.000 учесници. Пронајдете се и дознајте кој тип на личност сте.

Ако навечер се прејадете, вака спијте!

Слободен пад

Положба: Лежите на стомак, со рацете гушнете ја перницата, а главата завртете ја на страна.
Карактер: Спаѓате во отворени и директни личности. Реагирате по принципот „што на ум, тоа на друм“. Немата баш многу такт, па некои ве доживуваат дури и како дрска личност иако вие никогаш немате лоша намера. Во суштина сте многу чувствителни и секоја критика ја земате при срце.
Здравје: Положбата слободен пад, како и било која положба со лицето надолу, го подобрува варењето.

Оваа положба е добра за вас и вашиот стомак.

Прегратка

Положба: Лежите на страна, а рацете испружете ги пред себе.
Карактер: Отворени сте за нови работи, но истовремено сте сомничави и цинични. Многу сте самоуверени, речиси никогаш не го менувате мислењето и ретко се каете.
Здравје: Оваа положба го ублажува гастритисот и го олеснува дишењето во сон.

Постои опасност секое утро да се разбудите уморни.

Морска ѕвезда

Положба: Лежите на грб, а двете раце ви се испружени нагоре.
Карактер: Умеете да ги сослушате другите и поради тоа сте одличен пријател, Секогаш сте подготвени да помогнете, а не очекувате ништо за возврат. Не сакате да бидете во центарот на внимание.
Здравје: Баш како и оние кои спијат во положбата „војник“ така и оние кои спијат во положбата „морска ѕвезда“ често `хрчат и имаат проблеми со органите за дишење додека спијат.

Ако веќе спиете во оваа положба, склупчете се на десната страна.

Фетус

Положба: Лежите склупчени на страна.
Карактер: Интровертни сте, срамежливи и сензитивни. Ви треба многу време да се зближите со некој, но кога ќе дојде до тоа, вие сте лојални. Инаку во оваа положба спијат повеќето луѓе, дури 41%.
Здравје: Спиењето на лева страна е стресно за црниот дроб, стомакот и белите дробови.

`Рчењето е гарантирано, затоа сменете ја положбата.

Војник

Положба: Лежите на грб, со двете раце покрај телото.
Карактер: Тивки сте, сталожени и резервирани. Не сакате да правите гужва, никогаш не правите драма и не кревате паника. Од друга страна, поставувате многу високи стандарди и за себе и за другите.
Здравје: Истражувањата покажуваат дека во оваа положба најмногу се `хрчи, отежнато се дише и најнемирно се спие, со превртување од една на друга страна од креветот.

Кој спие вака, не го боли грбот.

Штица

Положба: Лежите на страна, а рацете ви се поставени покрај телото.
Карактер: Дружељубиви сте и лежерни. Ширите оптимизам и позитивна енергија па луѓето главно ве сакаат. Умеете да ги сослушате другите, но и да го кажете своето мислење. Многу сте критични.
Здравје: Оваа положба го држи исправен `рбетот и е добра против болки во грбот.