Како лечи масажата?

Масажата е веројатно најстариот облик на лечење бидејќи според пишаните трагови се применувала во сите времиња и кај сите народи. Буквално преведениот кинески израз за масажата гласи „притисни и триј“, што всушност ја опишува главната техника: притисок на ткивото, потоа површно триење и така наизменично.

Длабокиот притисок ги стимулира клучните точки и овозможува полесен проток на лимфата. Масажата го стимулира внатрешното движење, односно колку е послободен протокот на лимфата и другите телесни течности, толку подобро се растегнуваат тетивите, се одржуваат зглобовите поеластични.

Основа на масажата

Низ телото поминуваат таканаречени меридијани, или канали низ кои протекува животната енергија чи. Болеста преставува нарушување или блокада на токот на енергијата. Со стимулација на акупресурните точки на целото тело и со стимулација на тие енергетски канали (12 меридијани), со истегнување и затегнување на екстремитетите се допринесува за отстранување на енергетските блокади, а со тоа се ублажуваат и симптомите на болеста.

Ефекти на масажата

Ја отстранува болката и напнатоста на зглобовите и го исправа држењето, ја отстранува болката и напнатоста на мускулите, го подобрува протокот на кислородот во ткивото, го подобрува и забрзува протокот на лимфата, еластичноста и регенерацијата на кожата, го забавува и продлабочува дишењето, го поттикнува варењето, го забрзува метаболизмот, делува на внатрешните органи, ја зголемува силат аи сексуалната енергија.