Абецеда на пролетната исхрана

Пролетта и честите промени на времето може да предизвикаат физички и психички стрес. Обрнете внимание на петте енергетски супстанци кои ги препорачуваат познати нутриционисти.

Многу е важно на својот организам да му обезбедите енергија која ќе го разбуди. Затоа, на трпезата секојдневно треба да се имаат намирници кои во себе содржат магнезиум, јод, железо, ниацин и тиамин.

Грашок
На срцевите мускулни влакна потребен им е магнезиум за да може да се собираат. Магнезиум има во сусамот, грашокот, овошјето со семки, семките на тиквата.

Месо
Железото е многу важно кога станува збор за енергијата која му е потребна на органзимот. Го има во црвеното месо, колбасите, интегралниот леб, овошјето со коски.

Морска риба
Морската риба е богата со јод, елемент кој е важен кога станува збор за вишокот на килограми. Два пати неделно јадете морска риба, а млечните производи јадете ги секојдневно.

Спанаќ
Спанаќот, како и другиот зелен лиснат зеленчук, е богат со ниацин. Овој витамин е важна храна за мозокот. Го има во пилешкото месо, квасецот, внатрешните органи.

Грав
Гравот, како и грашокот и свинското месо, е богат со тиамин, витамин кој е неопходен за нервниот систем. Значи, ако сте нервозни, јадете намирници богати со овој витамин.