Диета „Три часа“

Диетата „Три часа“ трае 28 дена. Во тој период секоја недела би требало да изгубите по еден килограм.

Препорака: Диетата “Три часа“ се базира на концептот дека слабеењето најдобро се постигнува ако се јаде почесто, но во помали порции. Кај оваа диета се јаде секои три часа. Оваа исхрана се основа на филозофијата дека времето на оброкот е поважно од видот на храната која ја јадеме. Со самото тоа што јадеме секои три часа, го забрзуваме метаболизмот, па така трошиме повеќе калории.

Кај диетата постојат само три правила, а тоа се:

1. Појадувајте во првиот час по станувањето.

2. Јадете на секои три часа.

3. Престанете да јадете три часа пред да одите во кревет.

Дозволени се сите намирници освен брзата храна и јадењата што се пржат на масло. Во текот на диетата се препорачува да се испијат минимум осум чаши вода дневно. Појадокот и вечерата се пообемни оброци, додека ужините се помали оброци. На тој начин ќе се забрза метаболизмот, па ќе почнат да се губат килограми. По целиот циклус на диатата се прави пауза.