Подгответе смути пијалак - здрав оброкот во чаша

Оброците во чаша станаа вистинска сензација. Освен што содржат многу здрави и свежи намирници, лесно се варат и нивната нутритивна вредност им е толку висока што не е ни потребно да ги готвите како посебна храна за појадок или вечера.

Високите температури го затвораат апетитот, па не е ни чудо ако готвењето го доживувате како голема обврска. За да си ја олесните работата, во кујната потребен ви е само блендер кој ќе ви подготви освежителен оброк во чаша.

Можете да комбинирате состојки по своја желба, само внимавајте на нивната хранлива вредност, количината на витамини, како и на калориите.

Ова се највкусните 5 смути оброци во чаша...

Смути од јогурт, чоколадо и малина

• Половина шолја млеко од бадем или соја
• 1 јогурт
• 1 шолја малини
• ¼ рендана чоколада, со висок процент на какао
• Ситно сецкан мраз
  
  

Солено-благо смути

• 2 шолји спанаќ
• ½ шолја јагоди
• ½ краставица
• Неколку ливчиња нане
• Лажица свеж сок од лимон или портокал
  
  

Слатко и хранливо смути

• ½ шолја немасно млеко
• ½ шолја обичен јогурт
• 2 лажици путер од кикирики
• ¼ зрела банана
• 1 лажица мед
• 4 коцки мраз

 
Шумско смути

• ½ јаболка
• 1 шолја малини
• Сок од грејпфрут
• Сок од портокал

Тропско смути

• 1 грејпфрут
• ½ маракуја
• ½ ананас
• Свежо цеден сок од лимон
  
  

За сите комбинации рецептот е подеднакво едноставен. Сите овошја исецкајте ги на ситни коцки, ставете ги во бледнер и иситнете ги. Потоа додадете ги течностите и соковите, мешајте уште неколку минути и претурете во чаша. По желба додадете цимет или ванила екстракт.