Супер вежби за секси нозе

Ако сакате да го намалите обемот на колковитеи  бутовите задолжително е да правите соодветни вежби за овој предел. Вежбање најмалку три пати неделно, во комбинација со кардио тренинг и соодветна исхрана е совршената комбинација.

Испробајте ги овие вежби кои ќе ви помогнат да го постигнете тоа што го сакате, а од опрема потребни ви се исклучиво тегови.

Чучњеви за рамнотежа

Застанете исправено, со малку пораширени нозе од линијата на колковите. Спуштете се со клекнување, задржувајќи ги рамениците исправено, а рацете испружете ги и допрете го подот. Обидете се да останете исправени и префрлете ја целата тежина на десната нога, додека внимателно го кревате левото колено. Со левата рака задржете се за левиот глужд, за полесно да издржите 2 секунди и вратете се во првобитната положба. Вежбата повторете ја 20 пати, со секоја нога.

Движење на страна

Станува збор за голем исчекор, со кој се затегнуваат страничните мускули, колковите и задникот. Застанете исправено и нозете раширете ги малку повеќе од линијата на колковите со рацете зад глава. Десната нога прекрстете ја зад левата и спуштете се во положба на чучнување. Десната рака исто така спуштете ја до подот, а потоа исправете се во почетната положба. Вежбата повторете ја со другата нога, се додека не направите 20 повторувања.

Мртво подигнување

Застанете со нозете раширени малку повеќе од линијата на колковите и малку свиткајте ги колената. Земете ги теговите во вашите раце исправете ги пред вас со дланките свртени навнатре. Направете движење нанапред и со теговите допрете ја земјата така што ќе бидете во позиција вашиот грб да е паралелен со земјата. Концентрирајте се на затегнување на мускулите при подигање на телото. Тоа е едно повторување, а ваша цел е да направите 20.