Шампионското мени на Новак Ѓоковиќ

Кога Новак Ѓоковиќ во 2011 го освои врвот на светскиот тенис и еден куп титули, на многумина не им беше јасно како успеа за толку кратко време да се избори со повредите, малаксаноста и алергиите кои го мачеа до тогаш. Одговор на ова прашање дава неговиот поранешен, личен доктор Игор Четојевиќ, кој откри дека Ѓоковиќ е чувствителен на глутен, протеин кој го има во пченицата.

Сето ова се случуваше во 2010 година, кога Ноле го смени режимот на исхрана и престана да внесува глутен низ оброците.

Така, наместо леб, тестенини и палачинки, почнал да јаде житарки и останата храна без глутен, што се одрази на неговата целокупна психофизичка состојба. Резултатот беше 10 освоени титули само во 2011 година!

Шампионското мени на Новак Ѓоковиќ

Не јаде	Јаде лесна, немасна храна
Пченично брашно и производи кои го содржат	Свежо овошје и зеленчук кое може да биде зготвено на вода и пареа и печен зеленчук и месо на
Похована храна и оброци подготвени во зејтин	Тестенини – да, но од ориз и пченка
Не јаде вештачка сол, шеќер и масти	Повремено јаде чоколадо.

Ноле во август оваа година, ќе ја објави книгата „Со сервис до победа“, што всушност ќе биде водич како со правилна исхрана до подобри резултати во спортот.

Планиран е милионски тираж, а содржи и конкретни рецепти како да ги подготвите оброците кои за Ѓоковиќ се подготвуваат во последните 3 години.