8 знаци дека имате недостаток на железо во крвта

Исцрпени сте, бледи и лесно останувате без воздух? Можеби сега е време да ја направите вашата крвна анализа и да откриете дали страдате од недостаток на железо во крвта.

Кои се најчестите симптоми на ниско ниво на железо во крвта?

Исцрпени сте

Ако вашиот замор трае подолго од вообичаеното, и покрај тоа што сте најадени и наспани, можно е да се работи за недостаток од железо.

Заморот настанува бидејќи телото нема доволно железо за производството на хемоглобин – протеин што го разнесува кислородот низ телото. Кога ткивата и органите немаат доволно кислород, немаат ни доволно енергија, па вие чувствувате замор.

Бледи сте

Хемоглобинот на вашата крв ѝ дава црвена боја, поради која вашата кожа добива розов тен. Секое опаѓање на хемоглобинот предизвикува бледа кожа.

Бледилото може да биде по целото тело, но и локализирано на едно место како лицето, непцата или усната празнина.

Лесно останувате без воздух

Ако забележите дека останувате без воздух при секојдневни активности кои до пред извесно време ги вршевте без проблем, време е да го посетите вашиот лекар за анализа на крвта.

И овојпат причината е ниското ниво на хемоглобин поради што мускулите не добиваат доволно кислород за дури и „најобичните“ активности, како одење.

Кога почнувате да изведувате физичка активност, дишењето се забрзува бидејќи телото се обидува да прими повеќе кислород. Вие го чувствувате ова како отежнато дишење или задишување.

Срцето ви чука побрзо од вообичаено

Заради забрзаната работа на срцето можни се бројни срцеви проблеми, па затоа при првите нерамномерни отчукувања на срцето, консумирајте храна богата со железо.

Уште не е позната точната поврзаност помеѓу ниското ниво на железо и проблемите со срцето, но експертите веруваат дека и во овој случај голема улога има ниското ниво на кислород во телото.

Синдром на немирни нозе

Не можете да престанете да чукате со нозете по подот? 

Околу 25% од луѓето со ниско ниво на железо во крвта се соочуваат со овој синдром. Наводно, овој синдром се јавува 9 пати почесто кај луѓето со недостаток од железо, за разлика од другите.

Главоболка

Мозочните артерии некогаш потекуваат при недостаток на железо, што предизвикува силни главоболки и мигрени.

Засега експертите само претпоставуваат дека ова е причината, но факт е дека главоболките, па дури и вртоглавицата се чест симптом за ниско железо. Симптомот е многу почеста појава кај жените.

Чувствувате напнатост, дури и кога не сте во стресна ситуација

Недостатокот на железо може да ве доведе до анксиозност. 

Некои истражување нашле поврзаност помеѓу ниското ниво на железо и зголемениот ризик од нарушувања како анксиозност и депресија.

Сепак, потребни се дополнителни истражувања за да се утврди како и зошто нивото на железо влијае врз менталното здравје.

Отоци на јазикот и во усната празнина

Наводно, ниското ниво на железо може да предизвика отоци на јазикот и промени во неговата боја, односно да го направи поблед.

Некогаш се јавуваат и други симптоми околу и во устата, како сувост, чувство на печење и ранички.