Колку навистина ви се чисти рацете по миењето? (фото)

Колку сте сигурни дека вашите раце се беспрекорно чисти затоа што добро ги миете? Голема е веројатноста дека тоа го правите на сосема погрешен начин.

Ефикасното миење на рацете е важно, бидејќи на нив можат да се најдат прилично опасни бактерии како што се: Ешерихиа Коли, Салмонела, MRSA стафилококите и некои вируси како грипот.

Но, што може да се дефинира како добро миење на рацете? Дали станува збор за препорачаното триење од најмалку 30 секунди?

Џени Аг одлучила да ги стави различните типови на миење на рацете под UV светлина и детално да погледне кој тип на миење е најсоодветен и остава најмалку бактерии.

Колку е сината светлина помала, толку е помала и количината на бактерии на рацете.

Пред миење:

Плакнење и тресење:

Многумина од нас најчесто набрзина ги заплакнуваат рацете со вода и ги протресуваат, но ваквиот начин на миење остава многу бактерии. Најчести се фекалните бактерии. Овој начин на миење посебно се практикува во валканите јавни тоалети или целосно се избегнува, бидејќи имате чувство дека така ќе добиете повеќе бактерии одошто ќе ги отстраните, но случајот е спротивен. Токму тогаш неопходно е да ги измиете рацете.

6 секунди миење без сапун

Просечното времетраење на миењето раце е во должина од 6 секунди, но истото не е ефикасно при отстранувањето на бактериите. Научниците препорачуваат најмалку 15-ина секунди миење на рацете.

Притоа, важно е добро да ги миете и прстите, а не само поголемите делови од рацете.

6 секунди миење со сапун

Најважен аспект при миењето на рацете е употребата на сапун. „Сè додека употребувате сапун, тешко дека нема да го отстраните поголемиот дел од бактериите на вашите раце“ – тврди докторот Кертис.

Сапунот не ги убива бактериите, туку ги отстранува од вашата кожа, токму од овој факт нема разлика дали употребувате обичен или антибактериски сапун.

15 секунди со сапун

Од фотографијата можете да забележите дека колку подолго ги миете рацете, толку се помали површините каде има бактерии.

30 секунди со сапун

Според најголемиот дел истражувања, миењето на рацете во времетраење од 30 секунди е сосема доволно за сигурно да се ослободите од најштетните бактерии.

Што е подобро – пешкир или да употребувате фен за сушење на рацете?

Мислењата се поделени во поглед на ова прашање, но едно е важно – неопходно е целосно да ги исушите рацете, бидејќи поголемиот дел од микробите најлесно се пренесуваат на влажни површини, односно на недоволно исушени раце.