Наместо хамбургер: Како да го ублажите мамурлакот?

По бројните чаши од вашиот омилен алкохолен пијалак, веројатно посакувате да изедете сочен хамбургер. Но, верувајте, подоцна ќе зажалите за тоа...

Постојат и други поздрави опции кои можете да ги консумирате за да го ублажите мамурлакот следното утро:

1. Банани

Ова вкусно овошје е богато со калиум и електролити кои ги губите во големи количини кога пиете алкохол.

2. Вегетаријанска пица

Пицата не е баш препорачлива, но ако не можете да ѝ одолеете, тогаш можете да се одлучите за поздрава варијанта – вегетаријанска пица.

3. Било што од житарици со крупно зрно

Овие житарици се составени од сложени јаглехидрати кои го апсорбираат алкохолот. Исто така, содржат витамин Б кој помага во ублажувањето на мамурлакот.

4. Палачинки

Палачинки или вафли, изборот е ваш. Причина за тоа се повторно јаглехидратите кои го впиваат алкохолот, па ако не сакате житарици, тогаш палачинките се одлична алтернатива.

5. Хумус

Богат со витамините Б и Ц, со железо и фолна киселина – хумусот е здрав начин како да го ублажите утринскиот мамурлак. Во сезоната на празници, имајте го секогаш во фрижидер.

6. Супа

Одберете што побистра супа, а ако не сте по готвењето, тогаш можете да направите и супа од кеса. Истата ќе ви помогне да си ја разбистрите главата.