Мени за добро функционирање на мозокот

За мозокот да може правилно да функционира потребно е да се грижите за него и да го одржувате во форма.

Доколку паралелно со тоа сакате и да намалите некој килограм тогаш „MIND“ диетата е вистинскиот избор за вас.

Автор на оваа диета е доктор Марта Клер Морис, професор на универзитетот „Раш“ во Чикаго  и истата претставува комбинација од морска храна и режим на исхрана кој се препорачува кај луѓето кои имаат висок притисок.

Помеѓу најголемите придобивки од диетата, секако покрај намалените килограми, е значително намалениот ризик од повишен крвен притисок, мозочен и срцев удар, но и 53% помали шанси за појава на Алцхајмерова болест.

За време на диетата е важно да избегнувате нездрава храна како путер, маргарин, сирење, црвено месо, слатки, пржена или брза храна, а наместо тоа да внимавате секој ден да имате 3 оброци, но со разновидна здрава храна.

Следното мени нека ви биде пример за тоа како треба да изгледа изборот на храна за еден ден:

Појадок

По избор: 170g јогурт со 125g боровинки и 125g јагоди или 1 парче леб од цели зрна и половина авокадо.

Ручек

Сендвич од две парчиња леб, 200g варени пилешки гради и една лажичка сенф.

Салата од 250g зелена салата, 200g краставица, 125g сецкани домати, една лажица семки од сончоглед и една лажичка маслиново масло.

Вечера

85g риба по ваш избор, прелиена со малку сенф.

125g ориз, 125g тиквички и четири аспарагуси.

Салата од 125g рукола, 125g спанаќ и една лажица оцет и маслиново масло.

Една чаша црвено вино.

М. С. | Црнобело