Формулата за совршен сон и лесно будење

За многу луѓе, станувањето наутро од креветот често вклучува извршување на некаков ритуал.

Некои се будат и едноставно си кажуваат дека може да спијат уште 5 минути и ја враќаат главата на перница. Други го поместуваат алармот за уште некое време.

Но, постојат и такви кои стануваат веднаш без никаков проблем.

Фитнес тренерот Крег Балантајн е авторот на формулата „10-3-2-1-0“ благодарение на која секој може добро да се наспие и следното утро да стане без никаков проблем.

Формулата функционира на следниот начин:

10 часа ред спиење

Толку време е потребно вашиот крвоток да се исчисти од стимулансите кои содржат кофеин. Значи од тој момент па натаму нема пиење кафе, енергетски пијалаци или чоколадо.

3 часа пред спиење

Не јадете и не консумирајте алкохол ако планирате да си легнете за 3 часа. Иако вие во ова време најчесто се одмарате, вашето тело работи со полн капацитет. Ако јадете доцна навечер тоа ќе мора да продолжи да работи и откако ќе си легнете, па токму затоа следното утро се чувствувате преморено.

2 часа пред спиење

Од овој момент па натаму не работете и не мислете на работа. Оставете ја за утре – секако нема каде да ви избега!

1 час пред спиење

Од овој момент па натаму нема гледање телевизија, вклучување компјутер или користење на телефонот! Колку и да ви пристигнуваат нотификации за мејлови, пораки... дозволете му на вашиот ум и очи да се одморат.

0 минута до алармот

Ѕрнннн! Исклучете го алармот и веднаш станете од креветот. Не останувајте уште 5 минути, бидејќи тие и онака нема да ви помогнат да се чувствувате поодморено туку само ќе ви одземат дополнително време за подготвување за денот кој ве чека.

М. С. | Црнобело