6 начини на кои ладното време влијае на интимното здравје на жената

Во студените денови на жените приоритет им е да се облечат топло и модерно истовремено. Многу често забораваат на она што може да им направи тесната облека по прашање интимно здравје.

6 навики и начини како ладното време и навиките кои си следуваат со него влијаат на интимното здравје:

1. Намалување на шансите за инфекции

Во текот на летото почесто се потите, полесно сте изложени на сонце и топлина, па вагината е повлажна и склона на развивање инфекции и бактерии, за кои влажната средина е идеална. Во зима, сето ова е сведено на минимум.

2. Тесната облека го зголемува ризикот од инфекции

Сепак, постои темна страна на тесната облека. Ако сте љубители на тесни, а дебели хеланки, размислете уште еднаш пред да ги облечете. На интимното подрачје му е потребен воздух, затоа носете ги само кога температурите се екстремно ниски.

3. Ладното време е повод за повеќе секс

Минусните температури ве тераат да останете дома, што ги отвора можностите за поактивен сексуален живот. Забавата и греењето се загарантирани, што позитивно влијае на интимното и општо целокупното здравје.

4. Недостатокот на витамин Д може да ви наштети

Во зима, заради недостатокот на сонце и сончева светлина, големи се шансите да ви недостасува витамин Д. Тоа понатаму може да го зголеми ризикот од одредени бактерии, затоа се препорачува консумирање на храна и производи богати со овој витамин. Пример, риба, рибино масло, сирење, жолчка од јајце.

5. Настинките исто така влијаат на здравјето на вагината

Некои од антибиотиците и апчињата кои се соодветни за лекување на грипот и настинката, може да ја нарушат флората и pH вредноста. Затоа важно е да консумирате пробиотици и витамини, како би ја неутрализирале штетата.

6. Топлите купки исто така влијаат негативно

Внимателно со топлите купки за опуштање. Проверете какви сапуни користите и лежењето во када сведете го на минимум.

М. Д. | Црнобело