6 типови на болки поради кои мора веднаш да појдете на лекар

Болката која укажува на опасен здравствен проблем,  што сериозно ви го загрозува животот, почнува одненадеж и е исклучително силна.

Ова се 6-те типови на болки не смеете да ги игнорирате:

1. Ненадејна и силна главоболкa

Доколку не страдате од мигрена и ретко имате главоболки, тогаш ненадејната и неподнослива болка во главата може да биде поради руптура на крвните садови во мозокот. Веднаш побарајте медицинска помош, за да го елиминирате сомнежот дека е во прашање опасен здравствен проблем.

2. Болка во градите која се шири

Ако ненадејното чувство на болка се прошири на рамената, левата рака или вилицата, тоа може да биде еден од знаците за срцев удар.

3. Болка која започнува во долниот дел на грбот и преминува на нозете

Кога е придружена со чувство на слабост или одземеност на нозете, како и губење контрола над мокрењето, тогаш упатува на т.н. синдром на коњска опашка, кој е сериозно вклештување на нервите во основата на 'рбетниот мозок.

4. Постојано „боцкање“ во стапалата

Ваквите „бодежи“, проследени со чувство на трнење, спаѓаат во групата тивки знаци на дијабетес. Всушност, се работи за оштетување на нервите, кое настанува поради високото ниво на шеќер во крвта.

5. Абдоминална болка која започнува во пределот на папокот

Потоа се проширува кон долниот десен дел на стомакот и е знак на воспаление на слепото црево, кое мора да се реши со итна операција. Вообичаено, болката е придружена со покачена температура и повраќање, но дури и да ги немате овие симптоми, а чувствувате болка, веднаш обратете се на лекар.

6. Грчевита болка во нозете

Не сте повредени, но чувствувате силна болка во нозете, особено во бедрата или потколениците? Ако е проследена со појава на црвенило и отоци, а болните места се топли на допир, тогаш постои можност да имате длабока венска тромбоза и оштетување на венската циркулација. Не ги масирајте, ниту допирајте, туку веднаш упатете се до вашиот доктор, кој ќе ве испрати на дополнителни прегледи и испитувања. Покрај венската тромбоза, проширените вени се исто така голем, а мошне чест проблем помеѓу луѓето.

М. А. | Црнобело