4 мириси на телото кои не смее да ги игнорирате

Кога штотуку сте завршиле со тренинг е сосема нормално телото да мириса поразлично од претходно. Или, кога ќе јадете нешто зачинето и луто.

Сепак, со темелен туш би требало лесно да се среди ситуацијата.

Доколку  одреден мирис се задржува и по хигиенските навики, време е малку посериозно да го проверите здравјето.

Посебно во овие 4 случаи:

1. Овошен, сладок здив - симптом на дијабетес

Слаткиот здив се јавува кога нивото на инсулин во телото ќе се спушти и нивото на шеќер во крвта ќе се покачи.

2. Непријатен мирис на стапалата - симптом на габична инфекција

Доколку носите квалитетни чевли и нозете ви се совршено чисти, а сепак чувствувате непријатен мирис, веројатно се работи за габична инфекција. Пред габичната инфекција да се прошири, задолжително посетете лекар.

3. Непријатен мирис на урината - симптом за инфекција на уринарниот тракт

Урината никогаш нема да мириса пријатно, меѓутоа силниот изразен мирис укажува на присуство на бактерија, како на пример Ешерихија коли. Па, доколку мирисот е сомнително силен, разговарајте со доктор и направете ги потребните тестови и прегледи.

4. Лош здив и сувост на устата - симптом за апнеја

Доколку утринскиот здив е лош и пропратен со сувост, а во комбинација со тоа патите од поспаност и ‘рчење, веројатно се работи за апнеја. Апнејата е сериозна состојба кога за време на спиење се случува прекин на дишењето. Задолжителна е консултација со лекар.

М. Д. | Црнобело