Зошто треба да носите тениско топче во авион?

При планирањето на авионскиот лет, не заборавајте да спакувате и тениско топче во рачниот багаж.

Топчето нема да ви служи за здодевање на останатите патници, ниту пак за удирање во ѕидот на авионската кабина, што е строго забрането. Напротив, има мошне корисна намена и е одличен сојузник во текот на патувањето.

Масажата со тениско топче ја поттикнува циркулацијата на крвта во телото, ја намалува болката во мускулите и отстранува симптомите на замор, кои често се појавуваат како последица на долготрајните летови и промената на временските зони.

Сите сме свесни дека седењето на едно место, во иста положба и подолг временски период, може да има негативни последици на здравјето, па не чуди што авионските летови и не се меѓу најздравите активности кои може да ги преземете за својата добросостојба.

Токму затоа, експертите за здравје советуваат да потстанете во текот на летот, да ги протегнете нозете и превентивно да делувате на болките во мускулите и заморот. Притоа, тениското топче ќе ви биде од голема полза.

„Со земањето тениско топче на летот со авион, ќе ја зголемите циркулацијата. Тркалајте го преку рамениците, долниот дел на грбот, нозете и долниот дел на стапалата, за да го подобрите протокот на крвта“, советува хирургот Али Ѓоз од Клиниката за ортопедија во Лондон.

Доколку го заборавите топчето дома, крвта ќе ја стимулирате и со масажа на нозете, од глуждовите кон бедрата.

М. А. | Црнобело