Зошто не смеете да ја пиете водата од пластично шише кое стоело во автомобил?

Заклучениот автомобил кој е паркиран на сонце во текот на топлите денови може да биде извор на многу неочекувани опасности.

Ако температурата надвор е 30 степени, во автомобилот може да се покачи и до 45 степени во рокот од само неколку часа мирување. Во текот на топлите денови, температурите можат да се движат и од 50 до 70 степени.

При таквите екстремни температури не е пожелно да седите, ниту пак да пиете вода од пластично шише која седела извесен период во автомобилот.

Истражувањата покажуваат дека пластичните шишиња кога се загреваат испуштаат штетни материи познати како бисфенол А и антимон во водата. Бисфенолот се однесува како естроген и предизвикува хормонална нерамнотежа, а се поврзува со нарушувања како неплодност и дијабетес.

Покрај оваа материја, се испушта и металот антимон кој исто така, може да биде штетен за човековиот организам.

Придржувајте се до декларациите и не ги чувајте пластичните шишиња долго во автомобил кој е во мирување.

Н. Г. | Црнобело