Со кој орган имате проблем, според болката која ја чувствувате?

Сите некогаш сме почувствувале болка во телото која не можеме да ја опишеме или да дознаеме од што точно е предизвикана.

Во тие моменти посакуваме да може да погледнеме во внатрешноста на телото и да го идентификуваме органот или местото кое ни прави проблем.

Постојат неколку типови болка на кои телото најчесто реагира, па прочитајте кои се тие.

Секако, не се потпирајте само на ова и секогаш кога ќе почувствувате сериозна болка на некои од овие места, обратете се кај лекар.

Срце

Ако нешто не е во ред со срцето, ќе чувствувате стегање во градите, што може да се продолжи низ левата рака, рамо или врат. Спротивно од другите типови болка, срцето не е многу поврзано со движењето на телото или дишењето.

Бубрези

Болката на бубрезите може често да биде помешана со обична болка во грбот. Разликата е во фактот што болката од бубрезите е подлабока и боли под ребрата. Мускулната болка обично се чувствува под бубрезите.

Тенко црево

Најчесто, проблемот со тенкото црево може да предизвика болка во папокот. Ако почувствувате силна и попречна болка кога ќе се наведнете надолку или одите, посетете доктор.

Бели дробови

Белите дробови сами по себе не може да ве болат, бидејќи немаат нервни завршетоци. Но, може да почувствувате тапа болка во градите околу белите дробови. Болката може да биде проследена и со благо кашлање и губење воздух.

Слепо црево

Слепото црево е сместено во долниот десен дел на абдоменот. Но, болката предизвикана од проблеми со него, може да биде распространета по целиот стомак и на горниот или долниот дел, а може да се рашири и кон десната нога.

Желудник

Ако имате проблем со желудникот, болката може да се манифестира под ребрата, во средина, а може да ја почувствувате и на истото ниво, но одзади, кај грбот. Болката во стомакот е блиску до срцето, па многу често може да биде помешана, но најдобро е да се консултирате за тоа со доктор.

Жолчка и црн дроб

Во случај на проблем со црниот дроб и жолчката, болката се појавува во десниот горен дел на абдоменот, или на истото ниво од страната на грбот. Симптоми за ова може да бидат горчливост во устата, жолтица и уште многу други знаци.

Панкреас

Болката заради проблеми со панкреасот се појавува во центарот на горниот дел од абдоменот. Помалку интензивна болка може да се прошири и низ цел абдомен. Болката може да се зголемува ако лежите на грб или после јадење.

М. М. | Црнобело