Секојдневни активности кои ви го уништуваат држењето на телото

‘Рбетот е веројатно најважен за контролата и држењето на нашето тело, иако честопати ги игнорираме работите кои го нарушуваат неговото здравје.

Без да знаете, секојдневно, со овие активности си го уништувате доброто држење на телото:

Миење на заби

Кога стоите, никогаш не се навалувајте во висина на мијалникот. Наместо тоа, потпрете се на едната рака и стојте исправено во линија на огледалото.

Миење на садовите

Повторно не се навалувајте нанапред. Наместо тоа, земете едно ниско столче и ставете го под коленото. Ова ќе го намали притисокот.

Менување на гумата на автомобилот

Подгрбавената позиција треба да ја замените со седечка.

Носење кеси во една рака

Земете уште една кеса плус и обидете се тежината да ја распоредите еднакво.

Бришење на подови

Не ги бришете подовите со крпи кои се држат со раце, туку со посебни четки со долга рачка.

Врзување на патиките

Навалувањето со една нога испружена понапред може да создаде непријатни истегнувања. Седнете, кренете ја ногата свиткана кај коленото, а телото нека ви остане исправено под агол од 90 степени.

Носење на ранец на едно рамо

Не бадијала ранецот има две рачки. Не треба да го носите префрлен на едно рамо, ниту во една рака.

Земање на предмети од високо

Симнувањето на предметите кои стојат врз гардероберот или на најгорната полица исто така може да доведе до истегнувања. Затоа качете се на едно столче. Рамениците треба да ви се малку пониско поставени од предметот по кој посегнувате.

М. Д. | Црнобело