9 знаци кои укажуваат на интолеранција на глутен

Глутен е протеин кој се наоѓа во пченицата, јачменот и овесот. Со глутенот се поврзуваат околу 55 типови на болести, а бројот на луѓе со интолеранција на глутен од ден на ден се зголемува.

Ако не сте сигурни дали спаѓате во оваа група, следуваат 9 знаци по кои можете тоа да го препознаете:

Неправилно варење на храната

Еден од првите индикатори на интолеранција на глутен е неправилното варење на храната, чувство на подуеност, гасови, па дури и дијареа.

Чести промени на расположението

Ако често ви се менува расположението – се чувствувате тажни, па среќни, па нервозни, забележете кога настануваат овие промени и видете дали тоа има врска со консумирањето намирници кои содржат глутен.

Проблеми со зглобовите

Болките во колената и зглобовите, па дури и воспаленија и отоци на тие места се поврзуваат со интолеранција на глутен.

Кератозис пиларис („пилешка кожа“)

Оваа состојба кај народот позната како „пилешка кожа“ се манифестира најчесто на надлактиците, а настанува поради неможност на организмот да ги апсорбира масните киселини и витаминот А во тенкото црево.

Хроничен замор

Ако постојано сте уморни и при лесна физичка активност, обидете се да забележите дали тоа има некаква поврзаност со консумирањето глутен.

Силни главоболки

Честите и силни главоболки може да се јават од многу причини, а една од нив е интолеранцијата на глутен.

Автоимуни болести

Ако имате интолеранција на глутен, а продолжувате со истата исхрана, организмот може да развие автоимуни болести како што се лупус, псоријаза, артритис и слично.

Хормонски дисбаланс

Глутенот може да предизвика воспаленија и проблеми со жлездите кои потоа не можат да функционираат правилно, и како резултат на тоа се јавува хормонски дисбаланс.

Невролошки симптоми

Вртоглавици, нагони за повраќање, хроничен замор се само дел од симптомите кои укажуваат на интолеранција на глутен. Најдобро е да се консултирате со лекар за да знаете дали е тоа вистинската причина.

М. В. | Црнобело