Грешки при вежбање стомачни

Ако сакате да имате добро затегнат дефиниран стомак, потребно е да знаете како да вежбате. Ова е листата на шесте најраспространети грешки...

 

...поврзани со вежбите за стомачни мускули кои можат да ве назадуваат доколку не расчистите со нив:

1-ва грешка: За да имате цврсти стомачни, треба да вежбате секој ден.

Вистина: И на стомачните мускули им треба одмор и регенерација. Мускулите се зголемуваат единствено кога се одмарате.

3 до 5 константи, посветени тренинзи на стомачните мускули неделно, ќе ви помогнат да ја достигнете вашата цел.

2-ра грешка: Добро вежбање на стомачните мускули трае половина час.

Вистина: Ако ви е потребен половина час за да почувствувате ефект од вежбите, правите нешто погрешно.

Понекогаш се доволни и сесии од по 5 минути, но важно е да го прилагодите моментумот и интензитетот според формата во која се наоѓате.

Запомнете, квалитетот е поважен од квантитетот.

3-та грешка: Екстремно бавните стомачни ќе ве направат посилен.

Вистина: Трошење една минута за едно подигање нема да има поголем ефект од нормалното подигање. Всушност, забавеното подигање е помалку ефективно.

Идеално, вежбањето треба да ви помогне да ги правите нештата подобро, од кик-бокс, па сè до едноставно подигање на актовка, а ниедна од тие активности не ги правите забавено.

4-та грешка: Најдобро време за вежбање на стомачните е на крајот од тренингот.

Вистина: Не постои физиолошка разлика во однос на периодот кога ги вежбате стомачните. Единствено што е важно е тоа да го правите постојано.

5-та грешка: Не можете јасно да ги дефинирате стомачните мускули вежбајќи пилатес.

Вистина: Пилатес е ефективен начин на вежбање и доколку правилно се искомбинира со диета и кардиоваскуларен тренинг, може да ви донесе правилна дефиниција.

Нормално, никој не може да ви го гарантира тоа, зашто дефиницијата зависи и од гените, колку сте слаби, колку ви е долг стомакот, колку сте високи итн.

6-та грешка: Не може да ги зацврстите мускулите без машина за вежбање.

Вистина: Не ви се потребни тегови за да направите мазни, секси стомачни мускули, иако професионалните спортисти ги користат за да ја зголемат издржливоста и силата.

Згора на сè, најголемиот дел од машините за стомачни мускули не се дизајнирани за жени. А, доколку машината не ви одговара според големината, можно е фокусот на вежбата да се префрли на погрешно место.

Затоа, како најсигурна варијанта ви останува подот. Евтин е, ефективен и секаде достапен!

Дојдете на гратис пробно вежбање со Кондиционен Тренер -  понеделник, среда, петок или сабота на кејот на реката Вардар (пред летното HARD ROCK) во 18:30 часот (отворено и за мажи и жени).

Повеќе информации