По 60-тата година има 14% поголеми шанси да умрете на роденденот, отколку на кој било друг ден

Истражување спроведено на повеќе од два милиони луѓе откри дека е поверојатно да умреме на нашиот роденден, отколку на кој било друг ден во годината.

Откриено е дека на тој ден е зголемена стапката на срцеви удари, мозочни удари и самоубиства, па затоа родендените се едни од најсмртоносните денови во годината.

Истражувањето спроведено од Универзитетот од Цирих дојде до резултати дека луѓето над 60-тата година имаат за 14% поголема веројатност да умрат на големиот ден, а овој процент се зголемува за шокантни 44% доколку станува збор за роденден во есен.

И канадско истражување потврди дека шансите за инфаркт се поголеми на роденденот, особено кај луѓето со висок крвен притисок.

Има две претпоставки околу причините:

- Едната посочува на јадењето и пиењето во прекумерни количини на родендените.

- Другата причина е плацебо ефект, односно фактот што токму на денот на роденденот размислувате колку сте стари и помислувате на смртта.

Но, не треба да се грижите само за родендените. Истражувањата покажуваат дека 5% повеќе луѓе умираат од природна смрт на Нова Година, отколку на кој било друг ден од годината.

С. С. | Црнобело