Зошто градите ви се асиметрични?

Навистина нема потреба за црвена тревога. Ништо што доаѓа во пар не е сосема симетрично, па така и вашите гради.

Имате асиметрични гради? Воопшто нема причина за паника. Навистина не сте сами!

Земете ја актерката Џенифер Лоренс за пример. Таа при едно појавување во шоуто на Џими Кимел се отвори на темата. „Бев на доктор денес, имав снимање на белите дробови и открија дека моите гради се нееднакви“, изјави таа.

Актерката Кира Најтли пак позираше топлес за насловната страница на еден магазин и ги покажа своите нееднакви гради без да побара средување на фотографиите во фотошоп.

Експертите тврдат дека многу поверојатно е жените да имаат различни облици на двете гради, отколку апсолутно симетрични гради. „Тие се сестри, но не и близначки“, на шега тврдат тие.

И вие сте свесни дека не е симетрично сè што доаѓа во пар. Веѓите на пример не се симетрични и за нив не се грижиме, па зошто тогаш да се грижиме за градите?

Доктор Шери Рос од здравствениот дом „Providence Saint John’s Health Center“ во Санта Моника тврди дека понекогаш гените може да имаат врска со нееднаквите гради кај жените. Така што ако вашата мајка или баба имаат, може да имате и вие.

Исто така, градите се направени од масно ткиво и млечни жлезди, па нивната големина може да варира и од вашето губење или качување килограми. Промените во килограмите може да доведат до промени кај градите, па и нивна асиметричност.

С. С. | Црнобело