Ќесичките чај од канцеларијата имаат 17 пати повеќе бактерии од тоалетната школка

Кујната на работното место неретко е полна со бактерии. Секогаш имајте при рака антибактериски марамчиња.

Луѓето често ги оставаат своите нечисти шолји и садови во лавабото во канцеларијата. Тие не го бришат истуреното млеко или кафе и овие кујни, што ги користат повеќе луѓе, се полни со бактерии.

Таква е ситуацијата и со чајот што го чувате во заедничкиот орман на работа. Просечниот број на бактерии на ќесичка чај во канцеларијата е 3.785, споредбено со само 220 бактерии на тоалетната школка.

Според истражувањето спроведено од Initial Washroom Hygiene, други работи на кои има многу бактерии на работното место се купиштата користени шолји и рачката од фрижидерот.

Застанете само на миг и помислете на сите тие раце кои ги допираат работите како кутиите за кафе и чај, шолјите, рачките од фрижидерот и орманите, кваките на вратите итн. Бактерии има насекаде.

Токму затоа доктор Питер Барет заклучува дека:

„Користењето на антибактериски марамчиња на површините во кујната и редовното миење на шолјите игра голема улога во здравјето на луѓето.“

С. С. | Црнобело