4 протеини кои ги топат масните наслаги на стомакот

Доколку сакате да ги стопите маснотиите и да го тонирате своето тело особено во пределот на стомакот, важно е да јадете здрава храна богата со протеини.

Ова можеби и не е некоја новост, со оглед на диететските совети кои секојдневно кружат по интернет мрежата, сепак важно е да се нагласи дека одредени протеини се навистина популарни кога е во прашање рамниот стомак.

Во продолжение погледнете кои 4 протеини се вистински избор доколку сакате рамен стомак:

Кисело млеко

Доколку не знаете што да појадувате, едно канче кисело млеко е вистински избор за почеток на дневното мени.

Киселото млеко е богато со добри бактерии кои што помагаат за побрзо варење на храната, како и при намалување на воспаленијата во цревата. Според едно истражување, дел од испитаниците кои што во текот на самото испитување секој ден јаделе по едно канче кисело млеко изгубиле 22% повеќе тежина и 81% повеќе телесни масти од учесниците кои не јаделе кисело млеко.

За да останете сити подолго време, во овој тип на млечен оброк можете да додадете и по една лажица ленено и чиа семе.

Лосос

Лососот е многу популарен и се спомнува речиси во секоја диета. Тој е еден од најздравите протеини кои што можете да ги внесете во вашиот организам преку исхраната.

Богат со омега-3, омега-6 масни киселини и витамин Б12, лососот е храна која што му помага на вашиот метаболизам да функционира побрзо и подобро да ги претвора мастите и протеините во трајна енергија.

Киноа

Пред било што важно е да напоменеме дека сите јаглехидрати не ни се непријатели. Додавањето киноата во вашата исхрана овозможува внес на високо-протеински влакна без глутен.

Ова е производ кој што ги содржи сите девет аминокиселини. Заменете го белиот леб и оризот со киноа, на овој начин освен што ќе бидете посити на овој начин ќе го стабилизирате и шеќерот во крвта.

Бадеми

Доколку сакате да грицкате нешто во вечерните часови, бадемите се вистински избор за тоа. Овие јатки се богати со витамин Е и истите помагаат при намалување на холестеролот, но и при намалување на масните наслаги во пределот на стомакот.

Бадемите се добри за срцето, но исто така се вистински извор на енергија доколку ги консумирате во утринските часови.

С. У. | Црнобело