8 навики за кои сте во заблуда дека се многу здрави

Консумирање на витамини во форма на таблети и консумирање на свежо цеден сок... Зошто е погрешно ова?

Понекогаш водејќи се од советите за здрав живот што ги слушаме околу нас, правиме работи кои всушност не ни носат некои големи придобивки.

Некои навики за кои можеби и вие сте во заблуда дека се многу здрави:

Стоењето е подобро од седењето на масата

Иако овој совет се делеше многу, едно истражување покажа дека негативните ефекти од стоењето и седењето се слични, а и дека кога работите стоејќи до маса го оптоварувате ‘рбетот повеќе отколку кога седите.

Лебот е штетен

Многумина го прогласуваат лебот за штетен, но дали сте знаеле дека лебот е извор на бавни јаглехидрати и затоа неговата употреба позитивно влијае на состојбата на телото (под услов лебот да има добар состав)?

Плус, советот да консумирате леб без глутен не важи, затоа што само 1% од популацијата има интолеранција на глутен.

Задолжително е да направите детоксификација на телото

Некои производи се познати дека го прочистуваат телото, но строга детоксификација не мора да се прави затоа што веќе имате бубрези и црн дроб, кои ве ослободуваат од токсините.

Тоалетите во рестораните и кафулињата се најлошото место на светот

Јавните тоалети колку и да ви изгледаат страшно сепак се чистат редовно, плус вирусите умираат многу бргу.

Плус, заштитата ја добивате од вашата кожа. Ситуацијата е опасна само ако имате ранички по телото кои доаѓаат во допир со тоалетната шолја.

Нема ништо покорисно од свежо исцеден сок

Ова е мит затоа што кога го цедите овошјето и зеленчукот тоа ги губи здравите влакна. Подобро е да ги јадете продуктите свежи.

Жолчките се најбескорисните делови од јајцето

Тие се сметаат за извор на холестерол и многумина ги прогласуваат за опасни. Всушност, тие се добри за срцето и не влијаат на нивото на холестерол во крвта.

Неопходно е редовно да земате витамини

Изненадувачки, но од витамините во вид на таблети немате голема корист. Витамините мора да ги внесувате на вистинскиот начин, односно преку правилна исхрана.

Неопходно е да го задржите здивот кога некој кашла/кива

Бактериите во ваква ситуација патуваат во 350 км/час, па залудно е да го задржувате здивот.

Наместо тоа подобро е да ѝ кажете на личноста што кашла/кива да стави рака на уста.

С. С. | Црнобело