Симптоми на менопауза кои е добро да ги знаете за да бидете подготвени на промените

Менопаузата кај жените се појавува на просечна возраст од 48 години, а се почнува кога жената нема менструален циклус 1 година.

Во овој период на менопауза, жените се соочуваат со многу хормонални промени, со кои многу од нив тешко се соочуваат.

Иако не се страшни и опасни, сепак може да фрустрираат и пречат, па добро е да  знаете што ве очекува.

Дознајте кои се симптомите на менопауза за да бидете подготвени кога ќе почнат промените:

Промена на расположение

Жените во овој период може да имаат значителни промени во расположението дури и ако сè околу нив останало исто.

Бранови на топлина и студ

Многу жени ги облеваат бранови на топлина, пропратени со црвенило на лицето и вратот, а за краток период може да им стане значително поладно, иако ништо не се променило.

Проблеми со сон

Проблемите со сонот може да се појават во различен период од менопаузата, а се поврзани со брановите на топлина и со депресија.

Депресија

Овој период за жените е тежок и ранлив па може да бидат склони кон депресија.

Проблеми со меморија

Во едно истражување, жените кои имале почести бранови на топлина, имале многу полоши резултати во тестовите за меморија. Во суштина, колку полоши емоции искусувате во менопаузата, толку е полошо помнењето.

Намалена желба за сексуална активност

 Со текот на годините желбата за секс се намалува кај жените, а посебно менопаузата има големо влијание врз тоа.

М. М. | Црнобело