5 природни алтернативи за зголемување на енергијата кај чувствителните личности

Гласниот град, напорните луѓе на работа и секојдневните обврски знаат целосно да ја исцрпат енергијата уште пред да заврши работниот ден.

Уште полошо е што секојдневните додатоци коишто ги консумирате, како што се кафето и енергетските пијалаци, само прават потоа да се чувствувате уште поисцрпено. Без кофеинот ќе се чувствувате слабо и осакатени од исцрпеност, а со кофеинот се чувствувате растреперени, нервозни и лесно избувливи.

Сепак постојат и други алтернативи за енергетско полнење на телото покрај кофеинот:

1. Мака корен

Маката може да се консумира како прашок со смути или корнфлекс, или пак како чај.

Маката е адаптогена, односно билка којашто го поддржува вашиот систем за адреналин. По потекло е од Перу, а таму староседелците го консумираат овој корен веќе илјадници години, како природен подобрувач на енергијата.

Бенефит: Таа се смета и за суперхрана бидејќи покрај тоа што ја подобрува енергијата, исто така, ја подобрува и плодноста, афродизијак е и ги балансира хормоните.

2. Јерба Мате

Јерба Мате е растение по потекло од планините во Бразил, Парагвај и Аргентина. Неговите лисја се жнеат и се користат за стимулација на централниот нервен систем.

Бенефит: Растението не само што ја подобрува енергијата, туку и е полно со антиоксиданти, помага да си ја повратите менталната бистрина, ја зголемува физичката издржливост, го помага здравјето на организмот и дури и помага со слабеењето, бидејќи подолго ви го одржува чувството на ситост.

3. Сенча и Мача зелен чај

Сенча е зелен чај којшто се одгледува во Јапонија и е најпопуларниот чај таму. Се подготвува така што се варат цели лисја од растението.

Бенефит: Ја зголемува енергијата, има големи количества антиоксиданти, го стимулира мозокот, го спушта притисокот, го регулира шеќерот во крвта, има антиинфламаторни својства, ги зајакнува забите, помага при слабеењето и помага при превенција на рак.

Мача зелениот чај е ситно мелен и е традиционален во кинеските и јапонските ритуали кај будистичките свештеници за да се зголеми менталната спремност.

Бенефит: Мача чајот е смирувачки благодарение на неговиот распон од витамини и минерали. 

Тој го детоксифицира телото, ги зголемува енергетските нивоа и физичката издржливост, ја подобрува меморијата, помага при превенција на рак, го намалува предвременото стареење и го помага здравјето на срцето благодарение на високото ниво на антиоксиданти.

4. Гинко Билоба

Гинкото се користи илјадници години во традиционалната кинеска медицина. Дрвото Гинко е едно од најстарите познати дрвја во светот и датира уште од пред 270 милиони години.

Бенефит: Гинко Билоба природно ја подобрува вашата енергија и ментална концентрација со тоа што ја подобрува циркулацијата на крвта и го намалува оксидативниот стрес во телото. 

Гинкото смирува ПМС, помага при третирање на растројства за нарушена концентрација, лекува главоболка и мигрена и се користи како третман за фибромијалгија. Тоа исто така ја намалува депресијата и анксиозноста.

5. Сурово какао

Какаото не е исто што и чоколадото. Какаото е ферментираното семе од зрната чоколадо, а чистото какао се прави со ладно пресување на зрна какао, за да се задржат во него хранливите материи и ензимите. Чоколадото, пак, се пече на високи температури и на тој начин се уништуваат повеќето здрави состојки.

Бенефит: Какаото не само што ја зголемува енергијата, тоа исто така е и природен антидепресив, го спушта крвниот притисок, го штити нервниот систем, ја намалува отпорноста на инсулин, го штити телото од токсини и го намалува ризикот од кардиоваскуларни болести.

(О)Милена | Црнобело