Може ли алкохолот да биде причина за мигренозни главоболки?

Личност која страда од мигрени има многу проблеми - не поднесува премногу топло, ниту пак ладно, не јаде одредени видови храна, мрази одредени мириси и често не може да поднесе алкохол.

Мигрените се тип на главоболка кој и покрај напредната медицина, остануваат голема мистерија. Познати се голем број тригери за оваа состојба, но точната причина поради која воопшто постојат уште никој не може да ја лоцира.

Алкохолните пијалаци, во кои умерено уживате, може да бидат едни од причинителите на вашата ужасна болка. Точно, можеби досега не најдовте никаква поврзаност, но добро е да знаете дека дури и една чаша добро мерло, може да биде една од причините зошто неколку часа подоцна сакате да си излезете од кожата од болки.

Во одредени истражувања апстиненцијата од алкохол покажала намалување на бројот на мигренозни напади на годишно ниво. Исто така, многумина прекинале да пијат алкохол, дури и за наздравување, само поради мигрените. Пивото и црното вино се меѓу најпознатите причинители на мигрени.

Иако знаеме дека во овој период од годината навистина е тешко да се одолее на една чаша добар пијалак, доколку сметате дека таа може да ви предизвика неподнослива мигрена, подобро одбијте ја и заменете ја со нешто безалкохолно.

Е. Д. | Црнобело