Најдобрата детоксикација по бурната ноќ

Ова сценарио ни се има случено на сите: бурна ноќ, пристигнување дома во раните утрински часови, главоболки од премногу алкохол, а понекогаш и грижа на совест. 

Ви нудиме неколку начини за детоксикација после бурната ноќ:

Одморете се

Мамурлакот е сосема нормална појава после пиење на алкохол. Всушност, не постои подобар лек од одмор и сон.

Пијте вода

Ако сте пиеле многу минатата ноќ, постои голема веројатност дека сте дехидрирани, што доведува до главоболки и замор. За овој феномен е крив алкохолот, бидејќи е, всушност, диуретик.

Електролити

Гаторада или кокосова вода содржи многу електролити, вклучувајќи ги и натриумот и фосфорот, кои ја задржуваат течноста во телото.

Јајца за појадок

Алкохолот е полн со шеќери. Јајцата содржат цистеин, амино киселина која спречува токсични нуспојави на алкохолниот метаболизам. Ако немате желба да јадете јајца, јадете ориз или крекери.

Чај од ѓумбир

Ѓумбирот ќе го намали гадењето и можната вртоглавица.

Мед

Фруктозата го забрзува алкохолниот метаболизам во телото, а медот го зголемува нивото на фруктозата во телото. Овошјето делува на сличен начин.

Јадете месо, грав и леќа

Совршен извор на витамин Б, кој го губиме со консумирање на алкохол.

Ашера | Црнобело