Како да ги избегнеме менталните замки кои нè уништуваат?

Нашиот ум и нашето расположение можат да бидат многу чувствителни на светот што нè опкружува. Вознемирувачките настани во животот како: лошо раскинување на врска, невработеност, губење на драги личности, често нè трауматизираат, што е сосема нормално, но и нашите секојдневни модели на размислување имаат многу големо влијание. 

Лошите навики можат да влијаат на нашето ментално здравје, без разлика дали се работи за еден тажен ден или долгорочна депресија и анксиозност.

За среќа, повеќето од овие ментални замки можат да се избегнат, а еве и како.

Избегнување на физичка активност

Зошто е штетно: Физичката активност игра клучна улога во подобрувањето на расположението. Редовното вежбање има позитивен ефект врз мозокот и хормоните поврзани со расположението.

Што можете да направите: Ако се борите да се придржувате до распоредот за вежбање, можеби истиот е премногу амбициозен. За почеток, обидете се да одделите петнаесет до дваесет минути за вежбање секој ден.

Игнорирање на нередот

Зошто е штетно: Хаосот во вашиот дом може да биде суптилен извор на психолошката вознемиреност. Поради нередот се чувствуваме оптоварени, буквално и фигуративно.

Што можете да направите: Ослободите се од работите кои не ви требаат и кои не ги користите.

Премногу алкохол

Зошто е штетно: Алкохолот на нервниот систем делува како депресант, ве успорува и потенцијално го намалува расположението. Покрај тоа, може да предизвика кошмари и немирен сон.

Што можете да направите: Умереноста е клучна во сите работи, тоа важи и за алкохолните пијалаци.

Опсесивно размислување

Зошто е штетно: Постојаното превртување на истите мисли предизвикува стрес за телото и мозокот. Се забрзува дишењето и отчукувањето на срцето, а вашето тело ослободува кортизол, хормон за стрес кој влијае врз вашето физичко и емоционално здравје.

Што можете да направите: Научете како да ги контролирате мислите за да ги избегнете овие непотребни повторувања. Она што помага во таквите ситуации е длабоко дишење, масажа, брзо одење...

Потиснување на бесот

Зошто е штетно: Бес и фрустрација се сосема нормални реакции на неизбежните предизвици во животот. Но кога ги потиснувате овие чувства можете да го добиете спротивниот ефект. Гневот и лутината се поврзани со симптомите на депресија.

Што можете да направите: Важно е да ги изразите негативните емоции. Ако можете да го изразите бесот на мирен, а не агресивен начин, ќе се чувствувате подобро.

Социјална изолација

Зошто е штетно: Повлекување од семејството и пријателите е чест симптом на депресија и анксиозност.

Што можете да направите: Дури и кога сте преокупирани со обврските обидете се да се поврзете со пријателите и семејството, барем неколку минути. Овие социјални интеракции можат да го подобрат вашето расположение.

Престојување во затворен простор

Зошто е штетно: Престојување во затворени простории ви ги одзема двете состојки неопходни за менталното здравје: витаминот Д, кој се произведува во телото за време на изложеност на сончева светлина и самата природа која може да ве смири на потсвесно ниво.

Што можете да направите: Излезете! Ако работите во канцеларија прошетајте низ паркот или седнете надвор за време на паузата. Дури и мала количина на сончева светлина (десет минути) може да ви помогне да се чувствувате подобро.

Ашера | Црнобело