Тест со крекер: Колку ви е брз метаболизмот?

Ако сте преслаби или имате вишок килограми, сигурно барем еднаш сте ја дискутирале брзината на вашиот метаболизам како можна причина за вашиот вишок или недостаток на тежина.

Но, за што точно се работи? Како да проверите колку ви е брз или бавен метаболизмот?

Овој тест со обичен крекер и стоперка ќе ви ги реши дилемите.

Создавач на овој тест е докторот Шерон Моалем, кој тврди дека ова е најлесниот начин да утврдите дали телото добро ви ги вари јаглехидратите.

Пред да започнете со тестот, наполнете ја устата со плунка.

Земете парче несолен крекер, притиснете ја стоперката и почнете да го џвакате крекерот.

Обрнете внимание на времето.

Ако вкусот на крекерот не се промени по 30 секунди од почетокот на џвакањето, тогаш стопирајте го тестот.

По колку секунди почувствувавте промена во вкусот?

0-14 секунди,

15-30 секунди или

Повеќе од 30 секунди?

Плунката содржи ензими кои ја разградуваат храната, а зависно од нивната концентрација, зависи и леснотијата со која храната се вари.

Кај некои луѓе концентрацијата на овие ензими е до 50 пати повисока од просечната, па за нив се вели дека имаат брз метаболизам.

Од друга страна, оние кои имаат недостаток од овие ензими, важат за лица со бавен метаболизам.

Доколку за разградување на крекерот ви требаат повеќе од 30 секунди, значи дека треба да се воздржите од големи количини на јаглехидрати, бидејќи телото тешко ви ги разложува и тоа може да биде причината за вишок килограми.

М. Д. | Црнобело