Жена е алергична на сонце, а живее во сончевата Калифорнија - шета само навечер

Таа живее во темнина во нејзината куќа затоа што во текот на денот темни завеси постојано ги блокираат сончевите зраци.

Koжата на Андреа Ивон Монрој (26) е прекриена со илјадници пеги. Таа ја има состојбата xeroderma pigmentosum (XP) поради која кожата не може да го поправи оштетувањето предизвикано од сонцето.

Таа никогаш не излегува во текот на денот, освен ако нема закажано медицински третман, а дури и тогаш внимателно ги штити своето лице и тело.

За нејзината здравствена состојба нема лек, а животниот век на пациентите со ваква дијагноза е околу 37 години, поради ризик од рак на кожата, а поради проблеми со хормоните овие жени ако сакаат да раѓаат треба да го сторат тоа многу рано.

Андреа живее со нејзините родители во Сан Диего, Калифорнија каде во просек има 146 сончеви денови и 117 делумно сончеви денови годишно. Но, таа одбива да се отсели оттаму.

„Се сакам таква каква што сум. Јас сум во менопауза, но во ред е, не сакам да имам деца, не сум родена за да бидам мајка. Не ви е потребно дете за да бидете целосни како жена. Јас сум среќна поради тоа каква личност станав и си го сакам животот таков каков што ми е“, вели Андреа.

Таа живее во темнина во нејзината куќа затоа што во текот на денот темни завеси постојано ги блокираат сончевите зраци. Секогаш кога го напушта домот носи заштитна маска и шапка.

Семејството дури ги затемнило прозорците на нивниот автомобил за Андреа да може да патува, но таа сепак сака преку ден да е дома, а шета само навечер.

Прочитајте и Запознајте ја девојка што е алергична на зима, а живее во Канaда!

С. С. | Црнобело