Пушите 5 цигари на ден?

Многумина се опишуваат себе си како непушачи или „лајт“ пушачи затоа што дневно пушат помалку од 5 цигари. А, кога зборуваат на оваа тема исто така...

 

...знаат да кажат дека не се зависници затоа што можат да престанат да пушат кога сакаат.

Но, истражувањата покажуваат дека токму овие личности имаат и најмалку мотив да се откажат затоа што мислат дека не пушат доволно за да им биде загрозено здравјето.

Додека ризикот од рак на бели дробови расте со бројот на испушени цигари – повеќе од 20 цигари на ден го зголемува ризикот за 30 пати- неодамнешните истражувања покажале дека најголемиот ризик доаѓа од првите неколку цигари.

Истражувањето направено во Норвешка, објавено минатата година, покажало дека пушачите кои дневно пушат до 5 цигари имаат повеќе шанси да умрат од срцеви болести.

Ако вам статистиките не ве плашат, бидејќи и онака мора од нешто да се умре, знајте дека и 5 цигари на ден го нарушуваат вашиот изглед.

Пушењето го забрзува процесот на стареење на артериите. Го уништува вашето тело и антиоксидантите. Ги пожолтува забите и ноктите, ја суши кожата и го ослабнува имунитетот.