Здрави навики во исхраната

Ќе ви предложиме неколку начини да ги подобрите шансите за среќен и здрав живот. Сите овие навики кои и вие можете да ги вметнете во своето секојдневие...

 

...ги имаат подржано врвни стручњаци во списанија и книги кои се занимаваат со здравје.

Здрава навика број 1. Појадувајте секое утро.

Истражувањата докажуваат дека луѓето кои појадуваат внесуваат повеќе витамини и минерали, а помалку маснотии и холестерол. Тие се повитки, бидејќи шансите на ручек да се прејадат се помали.

Исто така, во помала опасност се да добијат дијабетес од оние кои го прескокнуваат појадокот. Се препорачува појадок од житарици. Забележано е дека оние кои внесувале житарици за појадок се чувствуваат подобро и ментално и физички.

Стручњаците од клиниката Мајо препорачуваат доручек кој содржи јаглени хидрати, протеини и мала количина на маснотии. Велат дека треба да се храниме разновидно, бидејќи ниту една намирница не ги содржи сите неопходни состојки.

Здрава навика број 2. Додадете риба и омега-3 масни киселини во својот начин на исхрана.

Покрај тоа што е добар извор на протеини, рибата содржи и омега-3 масни киселини, за кои е докажано дека го намалуваат ризикот од срцеви заболувања. Се препорачува туна, лосос, харинга, сардина...

Храната како тофу, соини зрна, ленено семе и ореви, содржи алфа-линолеинска киселина која во организмот се претвора во омега-3.

Здрава навика број 3. Дозволете си доволно сон.

Вашето тело мора да има доволно време да се одмори, инаку ќе се чувствувате уморно и поспано. Според новите испитувања, повеќе од две третини возрасни луѓе страдаат од некои пореметувања на сонот.

Не постои точно дефинирано време (во просек 8 часа) за одмор на организмот. Утврдете го сопствениот ритам и почитувајте го.