Храна што треба да ја јадете и храна што треба да ја избегнувате за време на менструација

Ѓумбир

Ѓумбирот ги намалува воспаленијата, а помага и во намалувањето на менструалните болки.

Доколку имате болки во стомакот, во шолја чај додајте малку ѓумбир и испијте го.

Портокали и лимони

Кога имате менструација, обидете се да јадете повеќе овошје за да го зголемите внесот на витамини и да ја намалите желбата за шеќер. Најдобри за ова се цитрусните овошја.

Покрај витамините, овие овошки имаат многу хранливи влакна и вода. Исто така, цитрусното овошје може да ги ублажи другите непријатни симптоми, кои доаѓаат со менструацијата.

Храна што треба да ја избегнувате за време на менструација

Млеко

Ако чувствувате болка во стомакот, би требало целосно да ги избегнувате млечните производи за време на менструација.

Лактозата може да предизвика подуеност и гадење - нешта што веќе ги чувствувате поради менструацијата.

Слатки и нездрави грицки

Вашите омилени грицки нема да ви го подобрат расположението кога имате менструација, туку само можат да ви ги влошат симптомите.

Вашето тело веќе губи крв и минерали за време на менструација, па држете се понастрана од вештачките вкусови и засладувачи.

Кофеин

Пиењето многу кафе за време на менструација може да го продолжи нејзиното траење.

Покрај тоа, кофеинот ги влошува ПМС симптомите, па најдобро е да го избегнувате овој пијалак, пред и за време на менструација.

Зачинета храна

Зачинетата храна може дополнително да го иритира вашиот стомак. Сепак, некои зачини можат да ви помогнат.

На пример, чилито има антивоспалителни својства, а шафранот ја подобрува работата на дигестивниот систем.

Спирова С. | Црнобело