Како цигарите му штетат на вашето здравје?

Секоја година сè повеќе луѓе умираат како последица на болести добиени од цигарите.

Цигарите просечно ви го скратуваат животот за околу 12 години. Тие влијаат на многу различни делови од вашето тело.

Почнувајќи од вашата кожа па до вашето срце.

Во продолжение погледнете на кој начин цигарите му штетат на вашето здравје:

Делуваат лошо врз циркулацијата

Кога пушите, отровот од катранот во цигарите, директно навлегува во вашата крв. Со тоа подоцна си ја зголемувате можноста да добиете запушување на вените, што може да предизвика мозочен или срцев удар.

Го оштетуваат мозокот

Пушачите се повеќе склони кон мозочен удар, во споредба со непушачите. Поточно пушењето го зголемува за 50% ризикот од мозочен удар. Исто така пушењето го зголемува ризикот да добиете анвризма на мозокот.

Предизвикуваат срцеви заболувања

Пушењето директно влијае и го оштетува срцето, зголемувајќи го ризикот за срцеви заболувања. Јаглерод моноксидот и никотинот заедно го поттикнуваат срцето да работи побрзо од нормално. Тие исто така го зголемуваат ризикот од згрутчување на крвта.

Лошо делуваат врз кожата и коските

Кожата кај пушачите е многу посува и изгледа постаро, а исто така цигарите многу често се виновни за прекумерната појава на целулит во вашето тело. Многу често цигарите се виновни и за појавата на остеопороза.

Најголемиот непријател на белите дробови

Белите дробови се најмногу погодени од пушењето. Кашлицата, отежнатото дишење и астмата се само почетни фази до кои цигарите можат да ве доведат. Пушењето предизвикува 84% од смртните случаи од рак на белите дробови.

Влијаат врз репрудуктивните органи

Пушењето може да доведе до стерилитет и кај двата пола. Исто така пушењето за време на бременост може да доведе до спонтан абортус и го зголемува ризикот од смрт кај новороденчето.

Т. Ѓ. | Црнобело